Жақында Амангелді ауылында мектеп ғимаратының  көптен күткен күрделі жөндеу жұмыстары басталыпты. Қуаныштымыз. Ендігі кезекте тек сапалы және уақтылы аяқталатын  жұмысты ғана күтеміз.Келесі ақпаратты аудан әкімінің сайтынан алдық. 2023  ж. 22 мамыр  аудандық мәслихат төрағасы Б. Шингисов   Аманкелді ауылына барып,  «Ауыл – ел бесігі» бағдарлама бойынша  мектепке күрделі жөндеу жұмыстарымен танысты.  Мердігерлік ұйым- «Градстройсервис» ЖШС. Жобаның құны – 430 млн. теңге.  Қазіргі таңда бірінші және үшінші  қабаттарда  пластик терезелер орнатылды. Екінші және үшінші қабаттарда  қабырғаларды  түзету жұмыстары жүргізілуде.  Электржүйелер орнатылды.  ... Әрі қарай оқу »

Ардақты ағайын! Сіздерді қасиетті Рамазан айының басталуымен шын жүректен құттықтаймын! Бұл –  күллі мұсылман қауымы үшін мән-маңызы айрықша мезгіл. Адамзатты рухани тазаруға және жан-жақты кемелденуге бастайтын осы айда төзімділік, жанашырлық, имандылық сияқты құндылықтар кеңінен дәріптеледі. Ата-бабамыз Рамазанды «он екі айдың сұлтаны» деп ардақтаған. Ораза ұстаған жамағатқа ауызашар беріп, бір-біріне ерекше құрмет көрсеткен.  Салт-дәстүрімізбен сабақтас асыл дініміз ғасырлар бойы Ұлы далада елдің бірлігін және қоғамның тыныштығын сақтау жолында маңызды рөл атқарып келеді.  Мейірімділік айында халқымыз игі істерін еселеп, сауапқа кенеле берсін!Баршаңызға зор денсаулық, бақ-береке тілеймін! Ораза қабыл болсын! ... Әрі қарай оқу »

Ардақты ағайын!Баршаңызды Ұлыстың ұлы күнімен шын жүректен құттықтаймын! Әз-Наурыз – жаңару мен жаңғырудың, береке мен бірліктің бастауы. Жылдың бұл мезгілі – күн мен түн теңеліп, жер жүзі қайта түлейтін шақ. Сондықтан ата-бабамыз ежелден шуақты көктем мерекесіне айрықша мән берген, оны Ұлыстың ұлы күні деп ұлықтаған. Қоғамдағы татулық пен келісім дәстүрлері ұлтымыздың салт-санасы мен әдет-ғұрпы түгел тоғысқан осы мейрамның сипатына сай келеді. Наурыз бүгінде нағыз халықтық мерекеге айналды. Бұл күндері мейірімділік, жанашырлық, жасампаздық сияқты қасиеттер ерекше дәріптеледі. Соның арқасында еліміз бірлігін бекемдеп, тату-тәтті өмір сүріп жатыр. Халқымыз әрдайым Наурыз мейрамын жақсылықтың жаршысына балаған. Қазақстан дамудың жаңа дәуіріне қадам ба ... Әрі қарай оқу »

Құрметті жерлестер, осыдан біраз уақыт бұрын ауылымыздың тарихына, тыныс-тіршілігі мен қуанышқа толы өткен күндеріне арнап естелік кітап жазайық деген ұсынысты  басым көпшілігі қолдаған сияқты. Олай болса жұмысымызды бастайық. Әр қарай орыс тілінде жазайын, себебі бұл шараға Ресей, Германия тағы басқа елдерде тұрып жатқан жерлестеріміз оқып, қатыса алулары үшін. Дорогие земляки, некоторое время назад было предложение о том, чтобы всем вместе написать книгу об истории нашего села, жизни, людях, которые жили и живут сейчас. Большинство поддержали, какая-то часть промолчала.Что касается материалов, то кое-что уже собрано, кое-какие воспоминания загружены на наш сайт ... Әрі қарай оқу »

Құрметті жерлестер, сайтымыздың қонақтары, баршаңызды Жаңа жыл мерекесімен шын жүректен құттықтаймыз! Өткен жыл халқымызға жеңіл тиген жоқ: қаңтардағы оқиға қабырғамызды қайыстырды, экономикалық келеңсіздіктер мен тұрақсыздыққа қоса алыстағы Украинада соғыс басталды, Елінің тәуелсіздігі үшін украин халқының азаматтары жан  алып, жан берісіп жатыр, сол соғыстың ұшқыны бізге де келуі мүмкін екенін түсіндік, себебі көршіміздің, біздер «дос» санап жүрген кейбір саясаткерлері  Украинадан кейін Қазақстанның да кезегі келеді деп жыл бойы ашық айтып өтті. Елімізді Құдай сақтасын! Халқымызға соғысы көрсетпесін!Жамандықтың барлығы өткен жылмен кетсін!

... Әрі қарай оқу »

Тәуелсіздік - кез келген мемлекеттің басты байлығы. Еліміздің  Тәуелсіздік күні - Қазақстан Республикасының басты мемлекеттік мерекесі. Бұл күн Қазақстанда жыл сайын 16 желтоқсанда аталып өтеді. «Қазақстанның Тәуелсіздік күнін» өткізу күні кездейсоқ таңдалған жоқ. Қазақстан үшін 1986 жылғы Желтоқсан оқиғасы халықтың егемендікке, өзін-өзі билеуге ұмтылуының бастауы болды, сонымен бірге 1991 жылы 16 желтоқсанда Қазақстан Жоғарғы Кеңесі Республиканың тәуелсіздігі мен мемлекеттік егемендігі туралы заң қабылдады. Қазақ жері кең, шексіз. Аумағы жөнінен дүние жүзінде тоғызыншы орында және ақынның тілімен айтқанда, «бес Франция немесе тоқсан тоғыз Бельгия сыйдырады». Бұл өлке - ата-бабаларымыздың бізге қалдырған баға жетпес мұрасы.&n ... Әрі қарай оқу »

Өткенде чатта мектеп жанынан музей ашу туралы ойымды айтқан едім. Енді сәл толықтыра кетейін. Музей дегенің мәдениеттің үлкен бір бөлігі. Музей өткенді, ауылдың тарихын, өз тамырымызды ұмытуға мүмкіндік бермейтіні және жастарымызды өткенмен  таныстыруға жол ашатыны анық. Ауылымыздың  мәдениеті, өмірі туралы түсінік береді, еліміздің тарихын көрсетеді. Музейге не қоямыз деген сұрақ туындайды. Не қоямыз? Талай үйлерде өткен кезден қалған ескі заттар бар, түрлі әшекейлер бар. Мысалы кейбір үйлерде кезінде Бәри ақсақалдың жұбайы (есімін ұмытып отырмын) соққан күміс жүзіктер мен білезіктер табылады, неге соларды қоймасқа? Өткенде барлықтарыңыз көрген 87 жыл болған бесікті неге қоймасқа? Болады. Ал егер иелері бергісі келмесе, онда соның түрлі-түсті суретін м ... Әрі қарай оқу »

Шежіре – ұлтымыздың алтын діңгегі Шежіре дегеніміз не? Бұл сұрақтың жауабының алдында мен өзімді аздап таныстырып өткенді жөн көріп отырмын. Мен Бекжігітов Темірбай Сіләм-ұлы 1965 жылдан бері осы Омбы облысының тұрғынымын. Жас кезімізде үлкендермен амандасқанда танымаса бірінші сұрақ қай жердікісің, әкең кім, руың қандай деп сұрақтың астына алатын. Сондықтан туған жерім Қарағанды қаласы, өскен жерім Павлодар облысы, өнген жерім Омбы облысы, руым Қыпшақ. Омбы қаласында педагогикалық институт бітіріп, Тавричан ауданында 40 жыл мұғалімдік жұмыс атқарып зейнетке шықтым. Жас кәрілікке жақындап қалғансын бір ой келді. Осы Ресей жұмыс ардагері атағынан басқа ұрпақтарға не қалдырасың дегендей. Жастармен көп араласқасын ба, осы біздің қ ... Әрі қарай оқу »

Біраз уақыт бұрын Амангелді ауылының чатында Елеш Таскенұлы өте дұрыс бір ұсынысты ортаға салды. Ол ұсынысы – ауылымызда мешіт салу. Өте керемет идея, қазіргі тілмен айтқанда фишка, яғни өте өзекті, дұрыс және кез келген мұсылман баласына қажет ғимарат. Елеш бауырымызға осындай бір жақсы ұсынысы үшін өз басым ризамын. Екіншіден чаттағы жүзден аса жерлестеріміздің ешқайсы қарсы шықпағанына да ризамын. Барлық жерлестер  мешіттің  ауылымызға, барлықтарымызға не екенін түсініп отыр ғой. Алла Тағаланың  алдында қадірімізді арттыратын мешіт ғимараттарын салу және оның қатарын арттыру сауапты іс екені хақ. Мешіт – мұсылман жамағатының  Жаратушы иемізге кіршіксіз құлшылық жасап, шын мәнінде тәубеге келетін, жабырқаған жандарға жұбаныш табат ... Әрі қарай оқу »